2006-08-17

Хөдөө явсан нь ...

Бага насанд гэр бүлийн боломж, сонирхолоос болоод хөдөө явдаггүй байсан, харин өсч том болоод компьютераас удаан салж чадахгүйн улмаас гэртээ хоцордог болсон. Энэ жил уг нь хөдөө явж амарна гэж байсан ч бас л тодорхойгүй шалтгаанаар ахиад л явж чадсангүй. Өмнө нь Тэрэлжийн тийшээ хамаатныдаа, ноднин Хэнтийн замд тааралддаг Хэрлэн гол орсонг тооцохгүй бол Улаанбаатараас холдож үзээгүй. Өмнөх Цахим Өртөөгийн хүлээн авалт дээр Цахим Өртөөг санаачлагч, "Цахим Өртөө Холбоо"ТББ-ын тэргүүн Цэрэнбат ах маань бид бүгдийг Төв аймгийн Алтанбулаг сумын нутагт байх өөрийн гэрт хүрэлцэн ирэхийг урьсан юм.

Аялалын өмнөх өдөр нь МТҮП-аас 10 цагт хөдлөх товыг дуулаад өглөө эртлэн босч бэлтгэлээ базаасан юм. Хотоод хөдлөөд Био комбинат, Шувуун фабрик гэдэг хотхонуудаар дайрч гарсан нь өмнө ирж байгаагүй надад их л сонин санагдаж байлаа. Ой мод үгүй тал, өвстэй уул толгод. Цахим Өртөөний андуудтайгаа хөөрөлдөн, элдвийг ярьсаар зорьсон газартаа нэг л мэдэхэд хүрсэн байв. Хамгийн сонирхолтой нь АНУ-д байдаг Саруул-Эрдэнэ гээд хэл шинжээч залуутай түүх, хэл, үгсийн талаар маш сонирхолтой яриаг өрнүүлсэн юм. Монголчуудын байлдан дагуулалтын үед ТАТАР гэж монголчуудыг хэлдэг байсан юм байна, энэ нь тухайн үед хаанаас ч юм гарсан хар хүч дэлхий ертөнцийг байдлан дагуулж байна гэсэн цуу Европд тархсан бас ТАР ТАР гэдэг нь далдын хар хүч гэсэн утга илэрхийлдэг байсан ба эцэст нь ТАР ТАР биш ТАТАР болж хувирсан гэж байна лээ. Мөн хуучин монгол бичгийн дуудлагаар 8-р зуунд ямар ч байсан ярьдаг байсан гэнэ, өөрөөр хэлбэл АБУ, ВАГАР гээд, харин бидний ярьж буй монгол хэл нь 13-р зууны үед лав байсан нь хятад сурвалжаар батлагдсан гэнэ лээ шүү.

Хөндий тал нутаг дундуур Туул гол урсана. Даанч энэ усад нь Улаанбаатарчуудын бохир цутгадаг болохоор унд болон ахуйн хэрэглээнд хэрэглэх боломжгүй. Сумо, дээсний тэмцээнд явууллаа. Би СУМО аврага болоход Баска ах "Компьютерийн ард суусаар байгаад сульдаа болсон байх гэж бодож байсан чинь ..." гэдэг байгаа. Бүхэл өдөржин элдвийг хэлэлцэж, тоглож наадан, хүссэн хэмжээгээр айраг ууж хорхог идсэн энэхүү анхны гэж хэлж болох миний хөдөө явсан аялал маань дурсамж, сэтгэгдэл дүүрэн сайхан өнгөрлөө. Харин орой гэрт ирсний дараа онцгүй юм болсон шүү ...

ХӨДӨӨ ТАЛ МИНУ

3 comments:

battur said...

Гоё бичлэгүүд байна.

Anonymous said...

Buh l hotuud goliin erge deer baij hugjdug ni sanamsargui ch bus. Bohir usaa zailuulah heregtein tuld gehdee tzevershuulj medeej 100 bish ch hayna. Manaihan daanch uuriin yumandaa hunii yum shig handah yum.eniig chini moneytai uls l 40.50 jil tzeverlej baij hun orohtoigoo bolgono. Tuul geed gol usnii ner tul tomoor bicheerei. shiveltiin aldaa garsan bizee. Saruul- Erdene gevel zuv bolmui.

Togi said...

Neeree ene hoyor huntei biyeteer ni neg uulzahsan.