2006-10-12

Би амьд ....

Сүүлийн нэлээн хэдэн хоног гараас гарсан зүйлгүй өнгөрөөлөө, зарим хүмүүс үхсэн байх гэж бодож байж болох юм. Үхсэн гэдэг маань бие мах бодийн эсвэл сэтгэл санааных аль нь ч байж болох. Гэтэл тийм биш, би амьд. 9-р сарын сүүлээр миний зөөврийн компьютер эвдэрснээр цорын ганц ажлын минь багаж жагсаалтаас гарч сэтгэл санааны хувьд хүндхэн цохилтод орж сэнхэрч амжилгүй долоо хоног гаран явлаа. Үүнээс үүдсэн үү аль 8-р сарын эхэнд хүрсэн байсан ханиад маань гэнэт хурцаар хүндэрч ямар ч ажлын бүтээмжгүй болж үхээнц байдалд шилжсэн юм.

Харин хэд хоногийн өмнө нэгэн найзтайгаа зөвлөлдөөд уламжлалт монгол эмчилгээний Монг-Эм эмнэлэгч очиж үзүүлж, эм бичүүлж авснаар биеийн байдал дээрдсэн. Мөн өчигдөрхөн өөрийн мөрөөдөл шахуу болж байсан IBM Thinkpad-ийн T42 загварын зөөврийн компьютерийг овоо их хэмжээний өр тавин байж авч хэвийн амьдралдаа эргэн орлоо.

Өнөөдрөөс эхлэн долоо хоногийн блогууд хэсгээ долоо хоногийн холбоосууд болгон өөрчлөхөөс гадна, өөрийн ашигладаг багажуудыг нэг нэгээр та бүхэнд блогоороо дамжуулан хүргэхээр шийдлээ. Хүмүүсээ би үхсэн биш амьд, өмнөхөөсөө илүү эрч хүч, урам зоригтойгоор ажиллаж эхлэх гэж байна, намайг дэмжээрэй.

Нэмж хэлэхэд альваа өвчин эмгэгийг бага дээр нь дарж авах нь зөв юм байна. Ингээд эдгэнэ гэж бодсоор яваад ийм байдалд хүрлээ.

2 comments:

Эрин М.Тулгат said...

Tun haramsaltai yum boljee. Yamar gol harlamaar baisan bol gej bodohoos...
Eelj daraalan olon ajil amjuulaad ed yum ni tesehee baisan yum baina, tegeheer ezen hun ni bas argagui bizee. Gehdee and chamaig ulam ih erch huchteigeer ulam ihiig amjuulna gedegt itgej baina.

Anonymous said...

Umnuhuusuu iluu ih erch huchtei ajlaarai. Heseg zavsarlasnii daraa umnuhuusuu medeej iluu ur buteeltei baina baih.