2007-04-17

Legacy systems

Би өөрөө дандаа шинэ юманд дуртай болохоор хуучин юм хэн хэрэглэдэг байнаа, шинэчлэчихэж болдоггүй юм байх даа гээд их л боддог байж билээ. Гэтэл сарын өмнө бараг л тэрийгээ үзээд лай ланчгийг нь үүрчихлээ гэж бодсон бас тийм биш байж. Уг нь нэр серверийн програм суулгаж өгөх хэрэгтэй байдаг тэр нь хуучин линукс дээр сайн ажилладаг, харин төхөөрөмж маань сүүлийн үеийнх гээд ирэхээр асуудал үүснэ. Хамгийн наад зах нь суулгах гэтэл дискээ олохгүй байгаам, арай гэж суулгасан чинь сүлжээ гээд бараг бүх юм нь ажиллахгүй байсныг эрийн сайндаа нэг ажилд оруулж байж билээ. Энэ маань юу ч биш байж.

Сүүлийн нэлээд хэд хоног Тахилгаан Холбоо гэдэг нүсэр байгууллага дээр өдрийг өнгөрөөж байна, миний хийх ёстой ажил бол нэг том систем ажилд оруулах. Харин энд ажиллах ёстой систем нь UltraSparc II 248Mhz-н хурдтай Sun Ultra 300 дээр Solaris 2.5 болоод бусад бүх хэрэгтэй системүүдийг суулгах. Анх удаа Sun, Solaris гэдэг юмтай ноцолдож байгаа болохоор бас л чанга байна, гэхдээ юникс бол юникс л юм даа. Хамгийн тэнэг нь техник нь ч үйлдлийн систем бас бусад системүүд нь цаанаасаа зогсоочихсон, ямар ч дэмжлэг байхгүй гэвч тэр системийг ашиглахаас өөр арга байхгүй. Ийм л системийг legacy system гэдэг ба давахгүй гэсэн даваагаараа долоо давах гээд явж байна даа. Одоогоор ямар ч үр дүн гараагүй л байна.

3 comments:

Ochko said...

Тийм шүү хуучин системтэй ноцолдох үнэхээр хэцүү. Solaris ялангуяа болохгүй юм гараад хайхаар ийм тийм patch хийх хэрэгтэй гээд ядаргаа. Юутай ч болсон амжилт хүсье.

Anonymous said...

Gadaadad bga mongolchuudad zoriulhad ta buhen unetei IDD card hudaldaj avj mongolruu yaridag bol, manai Mobicom web2call gedeg uilchilgee bdag yum bna shu. Mobi Gar utasruu 100togrog yum bna VISA avdag yum bna. Ta hed maani tegeed mongol compania baga zereg ch gesen demjih heregtei shu de.

Anonymous said...

http://web2call.mobinet.mn