2006-08-18

Planet MUUG

Хувь хүн блог дээрээ юу бичих нь тухайн хүний дур сонирхол байдаг. Блогийг бяцхан өдрийн тэмдэглэл ч гэж тодорхойлсон байдаг. Анх блогийг хэн гэдэг хүн хаанаас үүсгэсэн гэдгийг тодорхойлох гэж үзвэл бас л хэцүүхэн юм болох байх. Сүүлийн жилүүдэд блог гэдэг юмыг маш олон хүн хөтөлж, өөрийн бодож санадаг, шинээр сурсан мэдсэн зүйлс, уншсан номны товч, өдрийн тэмдэглэл гэх мэт олон зүйлсийн талаар бичдэг болжээ. Харин эдгээр олон блогуудыг нэгтгэж, нэг хуудаснаас олон хүний блогийг унших боломжийг planet гэх програм олгож байгаа. Ихэнх тохиолдолд сонирхол нэгтэй хүмүүс хамтран, уг програмыг ашиглан PLANET буюу ГАРИГ үүсгэж, тэрүүгээрээ дамжуулан хурдан шуурхай, хялбараар мэдээлэл солилцох болсон.

Миний хувьд Planet Ubuntu, Planet GNOME, Planet Debian гээд олон гаригуудыг уншдаг. Энэ нь тухайн хүн бүрийн блог руу оролгүй, нэг дороос холбогдолтой мэдээллүүдийг авах сайхан боломж болж өгдөг. Харин сүүлийн үед өөрөө бичихээс гадна зарим нэг хүмүүсийг татан оруулсан боловч өөрийн болон холбогдолтой сэдвүүдээр бичдэг хүмүүсийг зангидах, өөрөөр хэлбэл ямар нэг гариг үүсгэх нь зөв шиг санагдсан юм. Эцэст нь монголын юникс болон нээлттэй эхийн програм хангамж сонирхогч, хэрэглэгчдийн нэгэн гариг нээсэн нь Planet MUUG билээ. Энэ хаягаас та тэдгээр хүмүүсийн бичсэн сүүлийн блогуудыг нэг дороос унших боломжтой. Гэхдээ дээрх бүлэгт хамаарахгүй хүмүүс энэ гаригт өөрийн блогийг багтаах, оруулах боломжгүй юм.

Хэрэв та найз нөхөд, сонирхол нэгт, эсвэл ямар нэг зүйлээр нэгдсэн хэсэг бүлэг хүмүүсийн блог байдгийг мэддэг, тэгээд гариг болгон нэгтгэх, зангидах хэрэгтэй байгаа бол надтай холбоо барьж болно шүү. Танд хэрхэн гариг үүсгэх талаар зөвлөгөө өгөхөөс гадна домэйн нэр дээр вэб сервер ажиллуулж, planet-г ажиллуулж өгч болно шүү.

Монголын БЛОГЧИД маш олон болтугай

3 comments:

Эрин М.Тулгат said...

Sonirhol tatsan ed baina daa.

Unknown said...

mmmm... blog deerees yamar neg yalgah temdeg tavisan-g ni planet deer gargah bolomjtoi yu? Garchig deeree [UNIX] gej ehelsen bichleguudiig UNIX-iin planet deer, [Java] gesen bol java-iin planet deer gargadag ch yum u? tiim bolomj bgaa yuu Dulu?

Unknown said...

yostoi medehgui yum. Yer ni bolohiin huvid bolno, gehdee tiim ch amar bolohgui baih. Unixchin l Planet MUUG deer orj bolno sh dee. Gehdee haayaa ch gesen UNIX-tei holbootoi yumnuud bichij baih heregtei.