Даваа гарагт Үнэнбат бид 2 Филиппиний нийслэл Манилад сургалтанд суухаар ирсэн билээ. Хэдийгээр ирээд удаагүй байгаа ч хэд хэдэн сонин гэж болохоор зүйлсийг анзаарснаа хуваалцах гэсэн юм.
Хамгийн их сонирхол татаж байсан зүйл нь хоолны асуудал байлаа учир нь хавар Куала-Лампурт очоод идэх хоол бараг олдохгүй хэцүүхэн байлаа. Үнэндээ би далайн хоолонд тун сүжиггүй. Миний байрлаж байгаа орчинд махтай хоол элбэг олдох боловч их бага порцтой юмаа. Ихэвчлэн тахиа, гахайн мах идэх боловч үхрийн мах бас олдоцтой. Тэдгээр махын янз бүрээр амталж бэлдэх боловч тийм ч халуун биш. Хоолтой холбоотой сонин зүйл нь шөлтэй ч шөлгүй ч заавал халбага сэрээ хослуулж иднэ. Би өөрөө тавгандаа хоол үлдээхгүй байхыг эрхэмлэдэг учир заримдаа сэрээгээр хоолоо шавхах нь хүндрэлтэй байдаг, энэ үед энэ арга жинхэнэ хэрэг болох юм байна лээ. Энд идэх юмны үнэ их боломжийн мэт боловч их бага порц ирнэ, нөгөөхийг нь идээд цадахгүй ч өл даарчихна. Жишээ нь 1$ орчимоор нэг аяга будаа, 100 хүрэхгүй грам мах авна, гэхдээ уух ус нь үнэгүй. Хэрэв ундаа эсвэл эрдэсжүүлсэн ус авна гэвэл үнэтэй. Өчигдөр орой жаахан өлсөж байсан тул жаахан жимс авахаар шийдэж 0.80$ орчимоор нэг кг гадил жимс авч идлээ. Монголд зарагддаг хужааг бодвол хамаагүй гоё амттай байсан.
Энд ирсэн зорилго нь LPI гээд линуксын сургалтанд сууж эцэст нь шалгалтыг нь өгөх. Ирсний дараагаар сургалт үнэгүй боловч шалгалт үнэтэй байж таарлаа. Авчирсан хэдэн ногооноо солиулахаар банк ортол манайд данстай юу гэж юм. Ажилтны тайлбарласнаар зөвхөн банкинд данстай хүн л банкаар мөнгө солиулж болох юм байна, гэвч тэрхүү ажилтан маань өөрийн нэр дээр солиулж бид хоёрт их тус хүргэлээ. Төлбөрөө төлчихлөө, дараа долоо хоногийн баасан гарагт шалгалт өгнө тэнцвэл LPI Level 1 батламж, үгүй бол хоосон нь ойлгомжтой.
За тэгээд хаа газар байдаг гуйлгачин, хулгайч, дээрэмжин энд байдаг бололтой. Мөн өчигдөр эндэхийн худалдааны төв ортол нэг лангууг нь туузаар хүрээлээд, хамаг хүмүүсийг нь гаргаад хаячихаж, хэрэг гарсан бололтой. Бас гадил жимсээ идээд алхаж ч амжаагүй байхад хэдэн бацаанууд дагаад эхлэх юм.
Энд энд гэж яриад л байх юм гэж бодож байж магад. Бид 2 Дилиман дахь Филиппины их сургуулийн кампус дотор зочид буудалд байрлаж, тэндэхийн нэг сургууль дотор сургалтанд сууж байгаа. Одоогийн байдлаар энэ хүрээнээс гарч амаагүй л байна. :). Уг нь хэд хэдэн юм бичиж байгаад орхичихсон, удахгүй нийтлэнээ.
2 comments:
Syrgaltand chine amjilt hysei
http://www.goojuur.com
Filippind money soluilahaar bolbol department store SM manila Robinson geed alind ch ochood soluilj bolno, Gudamchind ch bas money changer bgaa gehdee Delguurt soluilbal hansh arai undurtei bdag. end Mall of Asia gej asar tom delguur bii, mun 168 gedeg hyamd baraatai zah mayagyn delguur bii. SM dep. store Robinson DS-oo bodvol baraa ihtei songolt arvintai bdag. Gaduur yavahdaa Jeepney -r yavbal mash hyamdhan 7.6 p tulnu. Bas manaihaar jeep markyn mashind suugaad dyrtai gazraa hurguulj bolno. bas l hyamd gehdee ali alind n suuhad zam gfudmjaa sain medej ter gydamj ryy yavah teevriin heregseld suuh heregtei. ta nart pedicap gedeg duguigaar hun zuudug unaag sanal bolgohyg husehgui bn uchir n edgeer unaa gadny hun gej medeed mash undur une nehdeg. Taxi bas ih hyamdhan sanagdsan.gadnyhand ed nar saihan baigaltai arluudaa sanal bolgodog. gehdee udahgui typhoon dahin ireh syragtai bga tyl arluud ryy yavj azaa tyrshih hereggui. bas hamaagui tanihgui huntei yarih ih osoltoi gej uursnuu yarih yum bn lee. Ta nar endhiin tsagdaa nar bugd buutai bhyg anzaarsan bh. Hulgaich deeremchid bol naad zahyn asuudal gesen shuu. altan ginjtei bol ugz tataad avchihna tsunhyg chini bulaagaad guichihne uursnuu sain bolgoomjtoi bj ih moneytai gaduur garsny hereggui. enjoy ur Filippine journey.deer helsnees busdaar bol ih saihan oron sanagddag nadad. humuus n nairsag, zochlomtgoi. aa tiim odoo Xmas guhsun uchir delguuruud ih unetei bgaa bolovch erdiin ued saryn ehen suuleer hyamdral zarladag. Huvtsas ih hyamdhan.
Post a Comment