Нээлттэй стандартууд ар араасаа ...

Энэ сарын 29-нд Adobe Systems өөрийн бичиг баримт хадгалах PDF форматыг олон нийтэд нээж нээлттэй стандарт болгох алхам эхэлж байгаагаа зарлалаа. Дээрх алхамын хүрээнд PDF 1.7-н тодорхойлолт бичгийг AIIM-д нээж байгаа бөгөөд энэ нь ISO стандарт болох эхний алхам юм. Олон жилийн турш хав дарж байсан тэднийг ийм алхам хийхэд түргэсэн хамгийн том хүчин зүйл нь OpenDocument-н сэргэн мандал болоод нээлттэй стандартаар дамжуулан зах зээлд өөрийн байр суурийг бататгах гэсэн тэмцэл гэж Adobe-н төлөөлөгч хэлжээ. Ийнхүү нээлттэй стандартууд бүл нэмж байгаа боловч энэ нь сүүлийн гишүүн биш гэдэг нь тодорхой. Эцсийн эцэст хэрэглэгч, хөгжүүлэгчид бид л хожиж байгаа юм.