2007-01-05

LPIC-1 авлаа

Өнгөрөгч оны 12-р сарын 4-нөөс 15-ны хооронд Филиппиний Манила гэх бүсэд оршид Күйсон гэх хотод линукс администрац хэрхэн хийх талаар сургалтанд сууж, шалгалт өгөөд ирсэн билээ. Уг сургалт болоод шалгалт нь линуксын тархацаас үл хамааран линуксын мэдлэгийг шалгах дэлхийд дээгүүрт ордог Linux Professional Institute байгууллагын хамгийн эхний түвшний шалгалтанд байлаа. Сургалтанд хамрагдах хүмүүст доод тал нь нэг жил линукстай ажилласан байх шаардлагыг тавьж байсан ба хоёр долоо хоногийн хугацаанд мэдвэл зохих сэдвүүдийг "шурт хийлгэсэн" гэж хэлж болно. Анхандаа гайхаж байсан боловч сүүлд нь ийнхүү шалгуур тавьсан учрыг ойлгож авсан. Үнэхээр тэр их сэдвүүдийг нарийвчлан үзэх боломжгүй харин сэргээх л боломжтой байсан юм.

Үнэндээ би сургалтанд сууж байхдаа бараг хичээл хийхгүй, анхаарахгүй зөвхөн чихээрээ сонссон болж, хааяа нэг лавлан асуун сууж байсан болохоор шалгалт өгчөөд их айж, бантаж, ичиж үнэхээр хачин байлаа. Хэдий хичээл дээр хичээл хийхгүй боловч орой буудалдаа очоод зарим нэг тест бөглөж, ном харна. Гэвч хэрэв тэнцэхгүй бол хичээлээ анхаарч байхгүй яав гэж өөртөө харамсаж, шанална тэгээд ч өдий олон жил линукс ашигласан, хүмүүс асуувал юу гэж хариулна гэж бодохоос үнэхээр ичиж үхмээр санагдаж хэцүү байсан үеүүд ингэж нэг дуусдаг юм байна, тэгээд нэг юм Филиппин улсыг зорьсон зорилго маань биелдэг байжээ. Одоо би LPIC-1 зэрэгтэй боллоо, энэ зэрэгт бэлтгэх сургалтыг явуулж болох эрхтэй боллоо, ямар ч байсан линуксын анхан шатны мэдлэгтэй гэдгээ баталж чадлаа. Тайвшир Дөлөө, айдгаа авдартаа хийчлээ ш дээ, гэхдээ цаашид давах даваа олон, хийж бүтээх ажил их байгаа гэдгийг мартаж болохгүй шүү. Нээрээ бидний анд Баянаа бас нэг юникс гэхдээ бүр аюулгүй байдлын сертификат авсан байсан шүү. Түүнд баяр хүргээрэй.

Ямар нэг үеийг давахын тулд хоёр шалгалт өгөх ёстой. Жишээ нь, хэрэв 1-р үеийнх бол 101 болон 102 шалгалтуудыг өгнө. Аль нэг дээр нь бүдрэх юм бол батламж авахгүй л болов уу. Хэрэв та өөрийгөө үнэхээр линукс мэддэг, ажиллаж чадна гэж бодож байгаа бол ийм төрлийн шалгалт өгөөд үзээрэй, батлаарай.

Шинэ оноо ч давгүй эхэлж байна шүү. Амжилт

6 comments:

Цахирмаа said...

Bayar hurgey!
Erdemd orgil ugui ch zorison neg ondorlogt hurch amjiltiin amtiig medreh saihan baidag.
Ulam ihiig buteegeerei.Amjilt husey.

Хөх маахай Л.Очирхуяг said...

Баяр хүргэе. Би ч гэсэн та нарын өмнөөс баяртай байна шүү.

Tsetsbold said...

Tanid bayar hurgeye! Mongol bolon Dulmandakh gedeg neriig tsaashid ulam iluu duursgaj yavaarai gej husen yuruuye.

М.Огоо said...

Erdmiin orgild garsan hun ugui ym gene lee. Minii naiz garah ym uu? za gar gar :) hehe anddaa bayar hurgeed amjilt husii

Buyantsogtoo, Ts. said...

Bayar hurgie!

shukokai said...

Баяр хүргэе, Дүдү!