2007-01-30

C1 дээр ярих гэсэн, ярьсан зүйлс

Ярилцлагад орохын урд шөнө таамаглаж байсанчлан төдийлөн нойр хүрсэнгүй, өглөө 8 гэж унтаад 11 гэж бослоо. Нойр хүрэхгүй байсан завшаанаар ярих зүйлсээ тэмдэглэн цэгцэлж авсан боловч ярилцлагын явцад төлөвлөж байснаар явсангүй. Босоод урьдын адил тайвнаар цайгаа уугаад яаравчлан хүрч очвол нэвтрүүлэг цагийн хувьд жаахан хойшлосон тул авч явсан номоо уншиж, зарим нэг хүний ярилцлагыг үзэж сууж байтал нэг л мэдэхэд миний ээлж болж. Энэ удаад миний зорилго интернэт гээч зүйлийн юу болохыг техникийн талаас нь ярих биш харин интернэт бидэнд ямар шинэ боломжуудыг олгож байгаа талаар хүмүүст ойлгуулах байв. Техник болоод зохион байгуулалтын хувьд хүн бүр л ярьдаг, ихэнх хүмүүс мэддэг, мэдэхгүй байсан ч болох харин түүнийг ашиглан хэрхэн ашигт үйл бүтээх талаар ярих нь чухал гэж үзсэн хэрэг.

Интернэтийн хувьд дэлхийг тэр чигээр нь хирсэн асар том сүлжээ болон өргөжиж хэн ч хэзээ ч хэнтэй ч холбогдох, хамтран ажиллах боломжийг олгоод байгаа. Үүнийг "дэлхий тэгширсэн" гэж нэрлээд ч байгаа, харин энэхүү тэгширсэн дэлхий дээр альваа улс үндэстэн болоод соёлын ялгаа байхгүй, бүх хүн ижил эрхтэй. Хэн илүү хөдөлмөрлөж, илүү ихийг мэдэж авсан нь хожино гэсэн ганц л дүрэмтэй. Иймийн учир монголчууд бид залхууралгүй хөдөлмөрлөж энэ их далайгаас чадах хэмжээгээрээ мэдээлэл хутган авч, өөрсдийн амьдралыг өөд татах хэрэгтэй. Жишээ нь аутсорсинг хийх том боломж гарч байна, Энэтхэгийн жишээг татаж болно. Үүнээс гадна вэб 2.0 гэдэг концепц гарч ирснээр өмнө бидэнд байдаг байсан "хамтдаа хөгжих" боломжуудыг илүү тодруулан гаргаж ирсэн гэж хэлж болно. Өөрөөр хэлбэл өнөөдрөөс та зөвхөн интернэт хэрэглэгч биш бүтээгч болох боломжтой болсон. Блогоо хөтөл мэдлэгээ хуваалц, вики ашигла. Энэ бол бидэнд олгосон хамгийн том боломж. Өнөөдөр л бид энэ бүхнийг ойлгож дорвитой хөдлөхгүй бол бид хоцорч мэдэх нь байна.

Вирус гээч зүйл сүүлийн үед өмнө байсан шигээ өргөн хэмжээний хор хүргэх нь багассан бас түүний эсрэг тэмцэх багажын нэр төрөл ч нэмэгдсэн. Ихэвчлэн мэдээлэл хулгайлах, тооцоолуурыг тань буруу үйлд ашиглах нь маш ихэссэн. Хамгийн гол нь интернэт гээч зүйлийг дагаж ирж буй аюулуудаас хэрхэн энгийн байдлаар зайлсхийх вэ. Та зүв зүгээр сууж байхад тань таныг шалгаруулж шагнал өгөхгүй, мөнгөнөөсөө хуваалцахгүй бас гадаадын банк болоод бусад санхүүгийн байгууллагуудад данс тань байхгүй болохоор тэдгээр нууцлал алдагдсан талаар мэдээлэл танд огт хамаагүй болохоор зүгээр л уншилгүй устгах хэрэгтэй. Firefox-г хэрэглэж заншвал илүү дээр гэх мэт.

Уг нь бас бус зүйлс ярихаар бэлдсэн байсан боловч өөрөө сандарсан бас хөтлөгчид дэмий шахуу зүйлс асуусаар цагаас минь хумсалсан. Бас зарим нэг зүйлийг буруу зөрүү ярьсан зүйл байна лээ. Интернэтийг ашиглаж чадвал маш өргөн боломж байгаа гэдгийг л хэлэх гэж оролдох шив. Өнөөдөр энгийн хүмүүс интернэтийн хэргийг гаргаж чадахгүй байгаа эсвэл мэдэхгүй байгаа болоод ч тэр үү интернэтийг төдийлөн сонирхохгүй байгаа, үүнийгээ дагаад хэрэглээ үгүй болохоор төдийлөн үнэ ч буурахгүй, шинэ үйлчилгээнүүд ч нээгдэхгүй байгааг хэн ч мэдэж байгаа. Энэ асуудал яг нөгөө "өндөг тахианы үлгэр" болоод байгаа ба Датакомын Энхбат гуай ч энэ талаар өгүүлсэн байсан. Зурагтаар гардаг л сонинд хэвлэгддэг л мэдээг интернэтээс үзэж байна, бидэнд арай өөр бидний амьдралд дэвшилт авчрах мэдээллүүд хэрэгтэй байна. Мэдээж үгээр бүх зүйл дуусч байгаа биш бид бүгдээрээ цаашид илүү ихийг бүтээх чадна.

2 comments:

Anonymous said...

SEX TSAGAAN BOGD~:~ xoshignol
Saixan xotiin xuurxun xarxvv sain baina uu?
Teneger goviin temeechin bvsgvi bi sain
Namar ta manai nutagt
Narnaar irj sarnaar butsaxdaa
Naariig mine nuraaj aaviig mine sereej
Namaig gants tvlsen shvv.
Balai ym shig zvtgeseer
Bandaashnii mine reziniig taslachixaad
Xotoos nadad nariin tsagaan rezin avchirch ugnu gej
Namaig gants xulxdsan shvv.

Gantulga T. T./T.Т.Гантулга/ said...

Ер нь интернетээр монголд ямар нэг үйл ажиллагаа, бизнесийн хүрээнд үйл ажиллагаа хийх нь өндөр эрсдэлтэй байсаар л байгаа. Томоохон хэрэглэгчид ч энэ тухайгаа мэдэхгүй л таваргаж явна лээ.
С1-н нэвтрүүлэгч эвгүй асуултууд асуух дуртай залуу байдаг юм билээ, саяхан бас нэг нэвтрүүлэгт нь ороод нилээн сандарсан шүү.